Mangal Chandika Stotramमङ्गल चण्डिका स्तोत्रम्

01

ॐ ह्रीं श्रीं क्लीं सर्वपूज्ये देवि मंगलचण्डिके। हूं हूं फट् स्वाहा ॥

Om hrim shrim klim sarvapujye devi mangalachandike | hum hum phat svaha ||

02

देवीं षोडशवर्षीयां शश्वत्सुस्थिरयौवनाम्। सर्वरूपगुणाढ्यां च कोमलांगीं मनोहराम् ॥

Devim shodashavarshiyam shashvatsusthirayauvanam | sarvarupagunadhyam cha komalangim manoharam ||

03

श्वेतचम्पकवर्णाभां चन्द्रकोटिसमप्रभाम्। वह्निशुद्धांशुकाधानां रत्नभूषणभूषिताम् ॥

Shvetachampakavarnabham chandrakotisamaprabham | vahnishuddhamshukadhanam ratnabhushanabhushitam ||

04

बिभ्रतीं कबरीभारं मल्लिकामाल्यभूषितम्। बिम्बोष्ठीं सुदतीं शुद्धां शरत्पद्मनिभाननाम् ॥

Bibhratim kabaribharam mallikamalyabhushitam | bimboshthim sudatim shuddham sharatpadmanibhananam ||

05

ईषद्धास्यप्रसन्नास्यां सुनीलोत्पललोचनाम्। जगद्धात्रीं च दात्रीं च सर्वेभ्यः सर्वसम्पदाम् ॥

Ishaddhasyaprasannasyam sunilotpalalochanam | jagaddhatrim cha datrim cha sarvebhyah sarvasampadam ||

06

संसारसागरे घोरे पोतरूपां वरां भजे ॥

Samsarasagare ghore potarupam varam bhaje ||

07

देव्याश्च ध्यानमित्येवं स्तवनं श्रूयतां मुने। प्रयतः संकटग्रस्तो येन तुष्टाव शंकरः ॥

Devyashcha dhyanamityevam stavanam shruyatam mune | prayatah sankatagrasto yena tushtava shankarah ||

08

रक्ष रक्ष जगन्मातर्देवि मंगलचण्डिके। हारिके विपदां राशेर्हर्षमंगलकारिके ॥

Raksha raksha jaganmatardevi mangalachandike | harike vipadam rasherharshamangalakarike ||

09

हर्षमंगलदक्षे च हर्षमंगलचण्डिके। शुभे मंगलदक्षे च शुभमंगलचण्डिके ॥

Harshamangaladakshe cha harshamangalachandike | shubhe mangaladakshe cha shubhamangalachandike ||

10

मंगले मंगलार्हे च सर्वमंगलमंगले। सतां मंगलदे देवि सर्वेषां मंगलालये ॥

Mangale mangalarhe cha sarvamangalamangale | satam mangalade devi sarvesham mangalalaye ||

11

पूज्या मंगलवारे च मंगलाभीष्टदैवते। पूज्ये मंगलभूपस्य मनुवंशस्य संततम् ॥

Pujya mangalavare cha mangalabhishtadaivate | pujye mangalabhupasya manuvamshasya santatam ||

12

मंगलाधिष्ठातृदेवि मंगलानां च मंगले। संसारमंगलाधारे मोक्षमंगलदायिनि ॥

Mangaladhishthatridevi mangalanam cha mangale | samsaramangaladhare mokshamangaladayini ||

13

सारे च मंगलाधारे पारे च सर्वकर्मणाम्। प्रतिमंगलवारे च पूज्ये च मंगलप्रदे ॥

Sare cha mangaladhare pare cha sarvakarmanam | pratimangalavare cha pujye cha mangalaprade ||

14

स्तोत्रेणानेन शम्भुश्च स्तुत्वा मंगलचण्डिकाम्। प्रतिमंगलवारे च पूजां कृत्वा गतः शिवः ॥

Stotrenanena shambhushcha stutva mangalachandikam | pratimangalavare cha pujam kritva gatah shivah ||

15

देव्याश्च मंगलस्तोत्रं यः श्रृणोति समाहितः। तन्मंगलं भवेच्छश्वन्न भवेत्तदमंगलम् ॥

Devyashcha mangalastotram yah shrrinoti samahitah | tanmangalam bhavechchhashvanna bhavettadamangalam ||