Navadurga Dhyanamनवदुर्गा ध्यानम्

01

वन्दे वाञ्छितलाभाय चन्द्रार्धकृतशेखराम्। वृषारूढां शूलधरां शैलपुत्रीं यशस्विनीम्॥

Vande vanchhita-labhaya chandrartha-krita-shekharam | Vrisharudham shuladharam Shailaputrim yashasvinim ||

02

दधाना करपद्माभ्यामक्षमालाकमण्डलू। देवी प्रसीदतु मयि ब्रह्मचारिण्यनुत्तमा॥

Dadhana kara-padmabhyam akshamala-kamandalu | Devi prasidatu mayi Brahmachariny-anuttama ||

03

पिण्डजप्रवरारूढा चण्डकोपास्त्रकैर्युता। प्रसादं तनुते मह्यं चन्द्रघण्टेति विश्रुता॥

Pindaja-pravara-rudha chanda-kopastrakair-yuta | Prasadam tanute mahyam Chandraghanteti vishruta ||

04

सुरासम्पूर्णकलशं रुधिराप्लुतमेव च। दधाना हस्तपद्माभ्यां कूष्माण्डा शुभदास्तु मे॥

Sura-sampurna-kalasham rudhiraplutam eva cha | Dadhana hasta-padmabhyam Kushmanda shubhadastu me ||

05

सिंहासनगता नित्यं पद्माश्रितकरद्वया। शुभदास्तु सदा देवी स्कन्दमाता यशस्विनी॥

Simhasana-gata nityam padmashrita-karadvaya | Shubhadastu sada Devi Skandamata yashasvini ||

06

चन्द्रहासोज्ज्वलकरा शार्दूलवरवाहना। कात्यायनी शुभं दद्याद्देवी दानवघातिनी॥

Chandrahasojjvala-kara shardula-vara-vahana | Katyayani shubham dadyad Devi danava-ghatini ||

07

एकवेणी जपाकर्णपूरा नग्ना खरास्थिता। लम्बोष्ठी कर्णिकाकर्णी तैलाभ्यक्तशरीरिणी॥ वामपादोल्लसल्लोहलताकण्टकभूषणा। वर्धन्मूर्धध्वजा कृष्णा कालरात्रिर्भयङ्करी॥

Ekaveni japa-karnapura nagna kharasthita | Lamboshthi karnikakarni tailabhyakta-sharirini || Vamapadollasalloha-lata-kantaka-bhushana | Vardhan-murddha-dhvaja krishna Kalaratrir bhayankari ||

08

श्वेते वृषे समारूढा श्वेताम्बरधरा शुचिः। महागौरी शुभं दद्यान्महादेवप्रमोददा॥

Shvete vrishe samarudha shvetambara-dhara shuchih | Mahagauri shubham dadyan Mahadeva-pramodada ||

09

सिद्धगन्धर्वयक्षाद्यैरसुरैरमरैरपि। सेव्यमाना सदा भूयात् सिद्धिदा सिद्धिदायिनी॥

Siddha-gandharva-yakshadyair asurair amarair api | Sevyamana sada bhuyat siddhida siddhidayini ||