Shiva Panchakshara Stotraशिव पञ्चाक्षर स्तोत्रम्

01

नागेन्द्रहाराय त्रिलोचनाय भस्माङ्गरागाय महेश्वराय । नित्याय शुद्धाय दिगम्बराय तस्मै नकाराय नमः शिवाय ॥ १॥

Nagendraharaya trilochanaya bhasmangaragaya maheshvaraya | nityaya shuddhaya digambaraya tasmai nakaraya namah shivaya || 1 ||

02

मन्दाकिनि-सलिलचन्दन-चर्चिताय नन्दीश्वर-प्रमथनाथ-महेश्वराय । मन्दारपुष्प-बहुपुष्प-सुपूजिताय तस्मै मकाराय नमः शिवाय ॥ २॥

Mandakini-salila-chandana-charchitaya nandishvara-pramathanatha-maheshvaraya | mandara-pushpa-bahu-pushpa-supujitaya tasmai makaraya namah shivaya || 2 ||

03

शिवाय गौरीवदनाब्ज-वृन्द-सूर्याय दक्षाध्वरनाशकाय । श्रीनीलकण्ठाय वृषध्वजाय तस्मै शिकाराय नमः शिवाय ॥ ३॥

Shivaya gauri-vadanabja-vrinda-suryaya dakshadhvara-nashakaya | shri-nilakanthaya vrishadhvajaya tasmai shikaraya namah shivaya || 3 ||

04

वसिष्ठ-कुम्भोद्भव-गौतमार्यमुनीन्द्र-देवार्चितशेखराय । चन्द्रार्क-वैश्वानरलोचनाय तस्मै वकाराय नमः शिवाय ॥ ४॥

Vasishtha-kumbhodbhava-gautamarya-munindra-devarchita-shekharaya | chandrarka-vaishvanara-lochanaya tasmai vakaraya namah shivaya || 4 ||

05

यक्षस्वरूपाय जटाधराय पिनाकहस्ताय सनातनाय । दिव्याय देवाय दिगम्बराय तस्मै यकाराय नमः शिवाय ॥ ५॥

Yaksha-svarupaya jatadharaya pinaka-hastaya sanatanaya | divyaya devaya digambaraya tasmai yakaraya namah shivaya || 5 ||

06

पञ्चाक्षरमिदं पुण्यं यः पठेच्छिवसन्निधौ । शिवलोकमवाप्नोति शिवेन सह मोदते ॥

Panchaksharam idam punyam yah pathech chhiva-sannidhau | shiva-lokam avapnoti shivena saha modate ||