Nirvana Shatakamनिर्वाणषट्कम्

01

मनोबुद्ध्यहंकारचित्तानि नाहं न च श्रोत्रजिह्वे न च घ्राणनेत्रे । न च व्योमभूमिर्न तेजो न वायुः चिदानन्दरूपः शिवोऽहं शिवोऽहम् ॥१॥

Mano-buddhy-ahankara-chittani naham na cha shrotra-jihve na cha ghrana-netre | na cha vyoma-bhumir na tejo na vayuh chid-ananda-rupah shivo'ham shivo'ham || 1 ||

02

न च प्राणसंज्ञो न वै पञ्चवायुः न वा सप्तधातुर्न वा पञ्चकोशः । न वाक्पाणिपादं न चोपस्थपायू चिदानन्दरूपः शिवोऽहं शिवोऽहम् ॥२॥

Na cha prana-sanjno na vai pancha-vayuh na va sapta-dhatur na va pancha-koshah | na vak-pani-padam na chopastha-payu chid-ananda-rupah shivo'ham shivo'ham || 2 ||

03

न मे द्वेषरागौ न मे लोभमोहौ मदो नैव मे नैव मात्सर्यभावः । न धर्मो न चार्थो न कामो न मोक्षः चिदानन्दरूपः शिवोऽहं शिवोऽहम् ॥३॥

Na me dvesha-ragau na me lobha-mohau mado naiva me naiva matsarya-bhavah | na dharmo na chartho na kamo na mokshah chid-ananda-rupah shivo'ham shivo'ham || 3 ||

04

न पुण्यं न पापं न सौख्यं न दुःखं न मन्त्रो न तीर्थो न वेदा न यज्ञः । अहं भोजनं नैव भोज्यं न भोक्ता चिदानन्दरूपः शिवोऽहं शिवोऽहम् ॥४॥

Na punyam na papam na saukhyam na duhkham na mantro na tirtho na veda na yajnah | aham bhojanam naiva bhojyam na bhokta chid-ananda-rupah shivo'ham shivo'ham || 4 ||

05

न मे मृत्युशङ्का न मे जातिभेदः पिता नैव मे नैव माता न जन्म । न बन्धुर्न मित्रं गुरुर्नैव शिष्यः चिदानन्दरूपः शिवोऽहं शिवोऽहम् ॥५॥

Na me mrityu-shanka na me jati-bhedah pita naiva me naiva mata na janma | na bandhur na mitram gurur naiva shishyah chid-ananda-rupah shivo'ham shivo'ham || 5 ||

06

अहं निर्विकल्पो निराकाररूपः विभुत्वाच्च सर्वत्र सर्वेन्द्रियाणाम् । न चासङ्गतं नैव मुक्तिर्न मेयः चिदानन्दरूपः शिवोऽहं शिवोऽहम् ॥६॥

Aham nirvikalpo nirakara-rupah vibhutvach cha sarvatra sarvendriyanam | na chasangatam naiva muktir na meyah chid-ananda-rupah shivo'ham shivo'ham || 6 ||