01
जय गणपति सदगुण सदन, कविवर बदन कृपाल। विघ्न हरण मंगल करण, जय जय गिरिजालाल ॥
Jai ganapati sadagun sadana, kavivar badan kripal | vighn haran mangal karana, jai jai girijalal ||
02
जय जय जय गणपति गणराजू। मंगल भरण करण शुभः काजू ॥ १ ॥
Jai jai jai ganapati ganaraju | mangal bharan karan shubhah kaju || 1 ||
03
जय गजबदन सदन सुखदाता। विश्व विनायका बुद्धि विधाता ॥ २ ॥
Jai gajabadan sadan sukhadata | vishv vinayaka buddhi vidhata || 2 ||
04
वक्र तुण्ड शुची शुण्ड सुहावना। तिलक त्रिपुण्ड भाल मन भावन ॥ ३ ॥
Vakr tund shuchi shund suhavana | tilak tripund bhal man bhavan || 3 ||
05
राजत मणि मुक्तन उर माला। स्वर्ण मुकुट शिर नयन विशाला ॥ ४ ॥
Rajat mani muktan ur mala | svarn mukut shir nayan vishala || 4 ||
06
पुस्तक पाणि कुठार त्रिशूलं। मोदक भोग सुगन्धित फूलं ॥ ५ ॥
Pustak pani kuthar trishulan | modak bhog sugandhit phulan || 5 ||
07
सुन्दर पीताम्बर तन साजित। चरण पादुका मुनि मन राजित ॥ ६ ॥
Sundar pitambar tan sajit | charan paduka muni man rajit || 6 ||
08
धनि शिव सुवन षडानन भ्राता। गौरी लालन विश्व-विख्याता ॥ ७ ॥
Dhani shiv suvan shadanan bhrata | gauri lalan vishva-vikhyata || 7 ||
09
ऋद्धि-सिद्धि तव चंवर सुधारे। मुषक वाहन सोहत द्वारे ॥ ८ ॥
Riddhi-siddhi tav chanvar sudhare | mushak vahan sohat dvare || 8 ||
10
कहौ जन्म शुभ कथा तुम्हारी। अति शुची पावन मंगलकारी ॥ ९ ॥
Kahau janm shubh katha tumhari | ati shuchi pavan mangalakari || 9 ||
11
एक समय गिरिराज कुमारी। पुत्र हेतु तप कीन्हा भारी ॥ १० ॥
Ek samai giriraj kumari | putr hetu tap kinha bhari || 10 ||
12
भयो यज्ञ जब पूर्ण अनूपा। तब पहुंच्यो तुम धरी द्विज रूपा ॥ ११ ॥
Bhayo yagy jab purn anupa | tab pahunchyo tum dhari dvij rupa || 11 ||
13
अतिथि जानी के गौरी सुखारी। बहुविधि सेवा करी तुम्हारी ॥ १२ ॥
Atithi jani ke gauri sukhari | bahuvidhi seva kari tumhari || 12 ||
14
अति प्रसन्न हवै तुम वर दीन्हा। मातु पुत्र हित जो तप कीन्हा ॥ १३ ॥
Ati prasann havai tum var dinha | matu putr hit jo tap kinha || 13 ||
15
मिलहि पुत्र तुहि, बुद्धि विशाला। बिना गर्भ धारण यहि काला ॥ १४ ॥
Milahi putr tuhi, buddhi vishala | bina garbh dharan yahi kala || 14 ||
16
गणनायक गुण ज्ञान निधाना। पूजित प्रथम रूप भगवाना ॥ १५ ॥
Gananayak gun gyan nidhana | pujit pratham rup bhagavana || 15 ||
17
अस कही अन्तर्धान रूप हवै। पालना पर बालक स्वरूप हवै ॥ १६ ॥
As kahi antardhan rup havai | palana par balak svarup havai || 16 ||
18
बनि शिशु रुदन जबहिं तुम ठाना। लखि मुख सुख नहिं गौरी समाना ॥ १७ ॥
Bani shishu rudan jabahin tum thana | lakhi mukh sukh nahin gauri samana || 17 ||
19
सकल मगन, सुखमंगल गावहिं। नाभ ते सुरन, सुमन वर्षावहिं ॥ १८ ॥
Sakal magana, sukhamangal gavahin | nabh te surana, suman varshavahin || 18 ||
20
शम्भु, उमा, बहुदान लुटावहिं। सुर मुनिजन, सुत देखन आवहिं ॥ १९ ॥
Shambhu, uma, bahudan lutavahin | sur munijana, sut dekhan avahin || 19 ||
21
लखि अति आनन्द मंगल साजा। देखन भी आये शनि राजा ॥ २० ॥
Lakhi ati anand mangal saja | dekhan bhi aye shani raja || 20 ||
22
निज अवगुण गुनि शनि मन माहीं। बालक, देखन चाहत नाहीं ॥ २१ ॥
Nij avagun guni shani man mahin | balaka, dekhan chahat nahin || 21 ||
23
गिरिजा कछु मन भेद बढायो। उत्सव मोर, न शनि तुही भायो ॥ २२ ॥
Girija kachhu man bhed badhayo | utsav mora, na shani tuhi bhayo || 22 ||
24
कहत लगे शनि, मन सकुचाई। का करिहौ, शिशु मोहि दिखाई ॥ २३ ॥
Kahat lage shani, man sakuchai | ka karihau, shishu mohi dikhai || 23 ||
25
नहिं विश्वास, उमा उर भयऊ। शनि सों बालक देखन कहयऊ ॥ २४ ॥
Nahin vishvasa, uma ur bhayau | shani son balak dekhan kahayau || 24 ||
26
पड़तहिं शनि दृग कोण प्रकाशा। बालक सिर उड़ि गयो अकाशा ॥ २५ ॥
Paratahin shani drig kon prakasha | balak sir uri gayo akasha || 25 ||
27
गिरिजा गिरी विकल हवै धरणी। सो दुःख दशा गयो नहीं वरणी ॥ २६ ॥
Girija giri vikal havai dharani | so duhkh dasha gayo nahin varani || 26 ||
28
हाहाकार मच्यौ कैलाशा। शनि कीन्हों लखि सुत को नाशा ॥ २७ ॥
Hahakar machyau kailasha | shani kinhon lakhi sut ko nasha || 27 ||
29
तुरत गरुड़ चढ़ि विष्णु सिधायो। काटी चक्र सो गज सिर लाये ॥ २८ ॥
Turat garur charhi vishnu sidhayo | kati chakr so gaj sir laye || 28 ||
30
बालक के धड़ ऊपर धारयो। प्राण मन्त्र पढ़ि शंकर डारयो ॥ २९ ॥
Balak ke dhar upar dharayo | pran mantr parhi shankar darayo || 29 ||
31
नाम गणेश शम्भु तब कीन्हे। प्रथम पूज्य बुद्धि निधि, वर दीन्हे ॥ ३० ॥
Nam ganesh shambhu tab kinhe | pratham pujy buddhi nidhi, var dinhe || 30 ||
32
बुद्धि परीक्षा जब शिव कीन्हा। पृथ्वी कर प्रदक्षिणा लीन्हा ॥ ३१ ॥
Buddhi pariksha jab shiv kinha | prithvi kar pradakshina linha || 31 ||
33
चले षडानन, भरमि भुलाई। रचे बैठ तुम बुद्धि उपाई ॥ ३२ ॥
Chale shadanana, bharami bhulai | rache baith tum buddhi upai || 32 ||
34
चरण मातु-पितु के धर लीन्हें। तिनके सात प्रदक्षिण कीन्हें ॥ ३३ ॥
Charan matu-pitu ke dhar linhen | tinake sat pradakshin kinhen || 33 ||
35
धनि गणेश कही शिव हिये हरषे। नभ ते सुरन सुमन बहु बरसे ॥ ३४ ॥
Dhani ganesh kahi shiv hiye harashe | nabh te suran suman bahu barase || 34 ||
36
तुम्हरी महिमा बुद्धि बड़ाई। शेष सहसमुख सके न गाई ॥ ३५ ॥
Tumhari mahima buddhi barai | shesh sahasamukh sake na gai || 35 ||
37
मैं मतिहीन मलीन दुखारी। करहूं कौन विधि विनय तुम्हारी ॥ ३६ ॥
Main matihin malin dukhari | karahun kaun vidhi vinai tumhari || 36 ||
38
भजत रामसुन्दर प्रभुदासा। जग प्रयाग, ककरा, दुर्वासा ॥ ३७ ॥
Bhajat ramasundar prabhudasa | jag prayaga, kakara, durvasa || 37 ||
39
अब प्रभु दया दीना पर कीजै। अपनी शक्ति भक्ति कुछ दीजै ॥ ३८ ॥
Ab prabhu daya dina par kijai | apani shakti bhakti kuchh dijai || 38 ||
40
श्री गणेश यह चालीसा, पाठ करै कर ध्यान। नित नव मंगल गृह बसै, लहे जगत सन्मान ॥
Shri ganesh yah chalisa, path karai kar dhyan | nit nav mangal grih basai, lahe jagat sanman ||
41
सम्बन्ध अपने सहस्र दश, ऋषि पंचमी दिनेश। पूरण चालीसा भयो, मंगल मूर्ती गणेश ॥
Sambandh apane sahasr dasha, rishi panchami dinesh | puran chalisa bhayo, mangal murti ganesh ||