01
मातु लक्ष्मी करि कृपा, करो हृदय में वास। मनोकामना सिद्ध करि, परुवहु मेरी आस ॥
Matu lakshmi kari kripa, karo hridai men vas | manokamana siddh kari, paruvahu meri as ||
02
यही मोर अरदास, हाथ जोड़ विनती करुं। सब विधि करौ सुवास, जय जननि जगदम्बिका ॥
Yahi mor aradasa, hath jor vinati karun | sab vidhi karau suvasa, jai janani jagadambika ||
03
सिन्धु सुता मैं सुमिरौ तोही। ज्ञान बुद्धि विद्या दो मोही ॥ १ ॥
Sindhu suta main sumirau tohi | gyan buddhi vidya do mohi || 1 ||
04
तुम समान नहिं कोई उपकारी। सब विधि पुरवहु आस हमारी ॥ २ ॥
Tum saman nahin koi upakari | sab vidhi puravahu as hamari || 2 ||
05
जय जय जगत जननि जगदम्बा। सबके तुमही हो स्वलम्बा ॥ ३ ॥
Jai jai jagat janani jagadamba | sabake tumahi ho svalamba || 3 ||
06
तुम ही हो घट घट के वासी। विनती यही हमारी खासी ॥ ४ ॥
Tum hi ho ghat ghat ke vasi | vinati yahi hamari khasi || 4 ||
07
जगजननी जय सिन्धु कुमारी। दीनन की तुम हो हितकारी ॥ ५ ॥
Jagajanani jai sindhu kumari | dinan ki tum ho hitakari || 5 ||
08
विनवौं नित्य तुमहिं महारानी। कृपा करौ जग जननि भवानी ॥ ६ ॥
Vinavaun nity tumahin maharani | kripa karau jag janani bhavani || 6 ||
09
केहि विधि स्तुति करौं तिहारी। सुधि लीजै अपराध बिसारी ॥ ७ ॥
Kehi vidhi stuti karaun tihari | sudhi lijai aparadh bisari || 7 ||
10
कृपा दृष्टि चितववो मम ओरी। जगजननी विनती सुन मोरी ॥ ८ ॥
Kripa drishti chitavavo mam ori | jagajanani vinati sun mori || 8 ||
11
ज्ञान बुद्धि जय सुख की दाता। संकट हरो हमारी माता ॥ ९ ॥
Gyan buddhi jai sukh ki data | sankat haro hamari mata || 9 ||
12
क्षीरसिन्धु जब विष्णु मथायो। चौदह रत्न सिन्धु में पायो ॥ १० ॥
Kshirasindhu jab vishnu mathayo | chaudah ratn sindhu men payo || 10 ||
13
चौदह रत्न में तुम सुखरासी। सेवा कियो प्रभु बनि दासी ॥ ११ ॥
Chaudah ratn men tum sukharasi | seva kiyo prabhu bani dasi || 11 ||
14
जब जब जन्म जहां प्रभु लीन्हा। रूप बदल तहं सेवा कीन्हा ॥ १२ ॥
Jab jab janm jahan prabhu linha | rup badal tahan seva kinha || 12 ||
15
स्वयं विष्णु जब नर तनु धारा। लीन्हेउ अवधपुरी अवतारा ॥ १३ ॥
Svayan vishnu jab nar tanu dhara | linheu avadhapuri avatara || 13 ||
16
तब तुम प्रगट जनकपुर माहीं। सेवा कियो हृदय पुलकाहीं ॥ १४ ॥
Tab tum pragat janakapur mahin | seva kiyo hridai pulakahin || 14 ||
17
अपनाया तोहि अन्तर्यामी। विश्व विदित त्रिभुवन की स्वामी ॥ १५ ॥
Apanaya tohi antaryami | vishv vidit tribhuvan ki svami || 15 ||
18
तुम सम प्रबल शक्ति नहीं आनी। कहं लौ महिमा कहौं बखानी ॥ १६ ॥
Tum sam prabal shakti nahin ani | kahan lau mahima kahaun bakhani || 16 ||
19
मन क्रम वचन करै सेवकाई। मन इच्छित वाञ्छित फल पाई ॥ १७ ॥
Man kram vachan karai sevakai | man ichchhit vanchhit phal pai || 17 ||
20
तजि छल कपट और चतुराई। पूजहिं विविध भाँति मनलाई ॥ १८ ॥
Taji chhal kapat aur chaturai | pujahin vividh bhanti manalai || 18 ||
21
और हाल मैं कहौं बुझाई। जो यह पाठ करै मन लाई ॥ १९ ॥
Aur hal main kahaun bujhai | jo yah path karai man lai || 19 ||
22
ताको कोई कष्ट न होई। मन इच्छित फल पावै फल सोई ॥ २० ॥
Tako koi kasht na hoi | man ichchhit phal pavai phal soi || 20 ||
23
त्राहि त्राहि जय दुःख निवारिणि। त्रिविध ताप भव बन्धन हारिणी ॥ २१ ॥
Trahi trahi jai duhkh nivarini | trividh tap bhav bandhan harini || 21 ||
24
जो यह चालीसा पढ़ै पढ़ावै। ध्यान लगाकर सुनै सुनावै ॥ २२ ॥
Jo yah chalisa parhai parhavai | dhyan lagakar sunai sunavai || 22 ||
25
ताकौ कोई न रोग सतावै। पुत्र आदि धन सम्पत्ति पावै ॥ २३ ॥
Takau koi na rog satavai | putr adi dhan sampatti pavai || 23 ||
26
पुत्रहीन अरु सम्पति हीना। अन्ध बधिर कोढ़ी अति दीना ॥ २४ ॥
Putrahin aru sampati hina | andh badhir korhi ati dina || 24 ||
27
विप्र बोलाय कै पाठ करावै। शंका दिल में कभी न लावै ॥ २५ ॥
Vipr bolai kai path karavai | shanka dil men kabhi na lavai || 25 ||
28
पाठ करावै दिन चालीसा। ता पर कृपा करैं गौरीसा ॥ २६ ॥
Path karavai din chalisa | ta par kripa karain gaurisa || 26 ||
29
सुख सम्पत्ति बहुत सी पावै। कमी नहीं काहू की आवै ॥ २७ ॥
Sukh sampatti bahut si pavai | kami nahin kahu ki avai || 27 ||
30
बारह मास करै जो पूजा। तेहि सम धन्य और नहिं दूजा ॥ २८ ॥
Barah mas karai jo puja | tehi sam dhany aur nahin duja || 28 ||
31
प्रतिदिन पाठ करै मन माही। उन सम कोइ जग में कहुं नाहीं ॥ २९ ॥
Pratidin path karai man mahi | un sam koi jag men kahun nahin || 29 ||
32
बहुविधि क्या मैं करौं बड़ाई। लेय परीक्षा ध्यान लगाई ॥ ३० ॥
Bahuvidhi kya main karaun barai | ley pariksha dhyan lagai || 30 ||
33
करि विश्वास करै व्रत नेमा। होय सिद्ध उपजै उर प्रेमा ॥ ३१ ॥
Kari vishvas karai vrat nema | hoy siddh upajai ur prema || 31 ||
34
जय जय जय लक्ष्मी भवानी। सब में व्यापित हो गुण खानी ॥ ३२ ॥
Jai jai jai lakshmi bhavani | sab men vyapit ho gun khani || 32 ||
35
तुम्हरो तेज प्रबल जग माहीं। तुम सम कोउ दयालु कहुं नाहिं ॥ ३३ ॥
Tumharo tej prabal jag mahin | tum sam kou dayalu kahun nahin || 33 ||
36
मोहि अनाथ की सुधि अब लीजै। संकट काटि भक्ति मोहि दीजै ॥ ३४ ॥
Mohi anath ki sudhi ab lijai | sankat kati bhakti mohi dijai || 34 ||
37
भूल चूक करि क्षमा हमारी। दर्शन दीजै दशा निहारी ॥ ३५ ॥
Bhul chuk kari kshama hamari | darshan dijai dasha nihari || 35 ||
38
बिन दर्शन व्याकुल अधिकारी। तुमहिं अक्षत दुःख सहते भारी ॥ ३६ ॥
Bin darshan vyakul adhikari | tumahin akshat duhkh sahate bhari || 36 ||
39
नहिं मोहिं ज्ञान बुद्धि है तन में। सब जानत हो अपने मन में ॥ ३७ ॥
Nahin mohin gyan buddhi hai tan men | sab janat ho apane man men || 37 ||
40
रूप चतुर्भुज करके धारण। कष्ट मोर अब करहु निवारण ॥ ३८ ॥
Rup chaturbhuj karake dharan | kasht mor ab karahu nivaran || 38 ||
41
केहि प्रकार मैं करौं बड़ाई। ज्ञान बुद्धि मोहि नहिं अधिकाई ॥ ३९ ॥
Kehi prakar main karaun barai | gyan buddhi mohi nahin adhikai || 39 ||
42
त्राहि त्राहि दुःख हारिणी हरो वेगि सब त्रास। जयति जयति जय लक्ष्मी करो शत्रु को नाश ॥
Trahi trahi duhkh harini haro vegi sab tras | jayati jayati jai lakshmi karo shatru ko nash ||
43
रामदास अब कहै पुकारी। करो दूर तुम विपति हमारी ॥
Ramadas ab kahai pukari | karo dur tum vipati hamari ||
44
रामदास धरि ध्यान नित, विनय करत कर जोर। मातु लक्ष्मी दास पर, करहु दया की कोर ॥
Ramadas dhari dhyan nita, vinai karat kar jor | matu lakshmi das para, karahu daya ki kor ||