Bajrang Baanबजरंग बाण

01

निश्चय प्रेम प्रतीति ते, बिनय करैं सनमान। तेहि के कारज सकल शुभ, सिद्ध करैं हनुमान॥

Nischay prem pratiti te, binay karain sanman | Tehi ke karaj sakal shubh, siddh karain Hanuman ||

02

जय हनुमंत संत हितकारी। सुन लीजै प्रभु अरज हमारी॥

Jai Hanumant sant hitkari | Sun lijai prabhu araj hamari ||

03

जन के काज बिलम्ब न कीजै। आतुर दौरि महा सुख दीजै॥

Jan ke kaj bilamb na kijai | Aatur dauri maha sukh dijai ||

04

जैसे कूदि सिंधु महिपारा। सुरसा बदन पैठि विस्तारा॥

Jaise kudi sindhu mahipara | Sursa badan paithi vistara ||

05

आगे जाय लंकिनी रोका। मारेहु लात गई सुरलोका॥

Aage jay Lankini roka | Marehu laat gai surloka ||

06

जाय बिभीषन को सुख दीन्हा। सीता निरखि परमपद लीन्हा॥

Jay Bibhishan ko sukh dinha | Sita nirakhi param pad linha ||

07

बाग उजारि सिंधु महँ बोरा। अति आतुर जमकातर तोरा॥

Bag ujari sindhu mahan bora | Ati aatur jamkatar tora ||

08

अक्षय कुमार मारि संहारा। लूम लपेटि लंक को जारा॥

Akshay Kumar mari sanhara | Loom lapeti Lank ko jara ||

09

लाह समान लंक जरि गई। जय जय धुनि सुरपुर नभ भई॥

Lah saman Lank jari gai | Jai jai dhuni surpur nabh bhai ||

10

अब बिलम्ब केहि कारन स्वामी। कृपा करहु उर अन्तर्यामी॥

Ab bilamb kehi karan swami | Kripa karahu ur antaryami ||

11

जय जय लखन प्रान के दाता। आतुर ह्वै दुख करहु निपाता॥

Jai jai Lakhan pran ke data | Aatur hvai dukh karahu nipata ||

12

जै हनुमान जयति बल-सागर। सुर-समूह-समरथ भट-नागर॥

Jai Hanuman jayati bal-sagar | Sur-samuh samrath bhat-nagar ||

13

ॐ हनु हनु हनु हनुमंत हठीले। बैरिहि मारु बज्र की कीले॥

Om Hanu Hanu Hanu Hanumant hathile | Bairihi maru bajra ki kile ||

14

ॐ ह्नीं ह्नीं ह्नीं हनुमंत कपीसा। ॐ हुं हुं हुं हनु अरि उर सीसा॥

Om Hrim Hrim Hrim Hanumant kapisa | Om Hum Hum Hum Hanu ari ur sisa ||

15

जय अंजनि कुमार बलवन्ता। शंकरसुवन बीर हनुमंता॥

Jai Anjani kumar balwanta | Shankar-suvan bir Hanumanta ||

16

बदन कराल काल-कुल-घालक। राम सहाय सदा प्रतिपालक॥

Badan karal kal-kul-ghalak | Ram sahay sada pratipalak ||

17

भूत प्रेत पिसाच निसाचर। अगिन बेताल काल मारी मर॥

Bhoot pret pisach nisachar | Agin betal kal mari mar ||

18

इन्हें मारु तोहि सपथ राम की। राखु नाथ मरजाद नाम की॥

Inhen maru tohi sapath Ram ki | Rakhu nath marjad naam ki ||

19

सत्य होहु हरि सपथ पाइ कै। राम दूत धरु मारु धाइ कै॥

Satya hohu Hari sapath pai kai | Ram doot dharu maru dhai kai ||

20

जय जय जय हनुमंत अगाधा। दुख पावत जन केहि अपराधा॥

Jai jai jai Hanumant agadha | Dukh pavat jan kehi aparadha ||

21

पूजा जप तप नेम अचारा। नहीं जानत कछु दास तुम्हारा॥

Puja jap tap nem achara | Nahin janat kachhu das tumhara ||

22

बन उपबन मग गिरि गृह माहीं। तुम्हरे बल हौं डरपत नाहीं॥

Ban upban mag giri grih mahin | Tumhre bal haun darpat nahin ||

23

जनकसुता हरि दास कहावौ। ताकी सपथ बिलम्ब न लावौ॥

Janaksuta Hari das kahavau | Taki sapath bilamb na lavau ||

24

जै जै जै धुनि होत अकासा। सुमिरत होय दुसह दुख नासा॥

Jai jai jai dhuni hot akasa | Sumirat hoy dusah dukh nasa ||

25

चरन पकरि कर जोरि मनावौं। यहि औसर अब केहि गोहरावौं॥

Charan pakari kar jori manavaun | Yahi ausar ab kehi goharavaun ||

26

उठु उठु चलु तोहि राम दुहाई। पायँ परौं कर जोरि मनाई॥

Uthu uthu chalu tohi Ram duhai | Payan paraun kar jori manai ||

27

ॐ चं चं चं चं चपल चलंता। ॐ हनु हनु हनु हनु हनुमंता॥

Om Cham Cham Cham Cham chapal chalanta | Om Hanu Hanu Hanu Hanu Hanumanta ||

28

ॐ हं हं हाँक देत कपि चंचल। ॐ सं सं सहमि पराने खल-दल॥

Om Ham Ham hank det kapi chanchal | Om Sam Sam sahami parane khal-dal ||

29

अपने जन को तुरत उबारौ। सुमिरत होय आनंद हमारौ॥

Apne jan ko turat ubarau | Sumirat hoy anand hamarau ||

30

यह बजरंग-बाण जेहि मारै। ताहि कहौ फिरि कवन उबारै॥

Yah Bajrang-baan jehi marai | Tahi kahau phiri kavan ubarai ||

31

पाठ करै बजरंग-बाण की। हनुमत रक्षा करै प्रान की॥

Path karai Bajrang-baan ki | Hanumat raksha karai pran ki ||

32

यह बजरंग बाण जो जापैं। तासों भूत-प्रेत सब कापैं॥

Yah Bajrang Baan jo japain | Tason bhoot-pret sab kapain ||

33

धूप देय जो जपै हमेसा। ताके तन नहीं रहै कलेसा॥

Dhoop deya jo japai hamesa | Take tan nahin rahai kalesa ||

34

प्रेम प्रतीतिहिं कपि भजै, सदा धरैं उर ध्यान। तेहि के कारज तुरत ही, सिद्ध करैं हनुमान॥

Prem pratitihin kapi bhajai, sada dharain ur dhyan | Tehi ke karaj turat hi, siddh karain Hanuman ||