01
श्री गुरु चरन सरोज रज निज मनु मुकुर सुधारि। बरनउं रघुबर विमल जसु जो दायकु फल चारि॥
Shri guru charan saroj raj nij manu mukur sudhari | baranaun raghubar vimal jasu jo dayaku phal chari ||
02
बुद्धिहीन तनु जानिकै सुमिरौं पवन-कुमार। बल बुद्धि विद्या देहु मोहिं हरहु कलेश विकार॥
Buddhihin tanu janikai sumiraun pavana-kumar | bal buddhi vidya dehu mohin harahu kalesh vikar ||
03
जय हनुमान ज्ञान गुण सागर। जय कपीस तिहुँ लोक उजागर ॥ १ ॥
Jai hanuman gyan gun sagar | jai kapis tihun lok ujagar || 1 ||
04
राम दूत अतुलित बल धामा। अंजनि-पुत्र पवनसुत नामा ॥ २ ॥
Ram dut atulit bal dhama | anjani-putr pavanasut nama || 2 ||
05
महावीर विक्रम बजरंगी। कुमति निवार सुमति के संगी ॥ ३ ॥
Mahavir vikram bajarangi | kumati nivar sumati ke sangi || 3 ||
06
कंचन बरन बिराज सुवेसा। कानन कुण्डल कुंचित केसा ॥ ४ ॥
Kanchan baran biraj suvesa | kanan kundal kunchit kesa || 4 ||
07
हाथ वज्र औ ध्वजा बिराजै। काँधे मूँज जनेऊ साजै ॥ ५ ॥
Hath vajr au dhvaja birajai | kandhe munj janeu sajai || 5 ||
08
शंकर सुवन केसरीनन्दन। तेज प्रताप महा जग वन्दन ॥ ६ ॥
Shankar suvan kesarinandan | tej pratap maha jag vandan || 6 ||
09
विद्यावान गुणी अति चातुर। राम काज करिबे को आतुर ॥ ७ ॥
Vidyavan guni ati chatur | ram kaj karibe ko atur || 7 ||
10
प्रभु चरित्र सुनिबे को रसिया। राम लखन सीता मन बसिया ॥ ८ ॥
Prabhu charitr sunibe ko rasiya | ram lakhan sita man basiya || 8 ||
11
सूक्ष्म रूप धरि सियहिं दिखावा। बिकट रूप धरि लंक जरावा ॥ ९ ॥
Sukshm rup dhari siyahin dikhava | bikat rup dhari lank jarava || 9 ||
12
भीम रूप धरि असुर संहारे। रामचन्द्र के काज संवारे ॥ १० ॥
Bhim rup dhari asur sanhare | ramachandr ke kaj sanvare || 10 ||
13
लाय सजीवन लखन जियाये। श्रीरघुवीर हरषि उर लाये ॥ ११ ॥
Lai sajivan lakhan jiyaye | shriraghuvir harashi ur laye || 11 ||
14
रघुपति कीन्ही बहुत बड़ाई। तुम मम प्रिय भरतहि सम भाई ॥ १२ ॥
Raghupati kinhi bahut barai | tum mam priy bharatahi sam bhai || 12 ||
15
सहस बदन तुम्हरो यश गावैं। अस कहि श्री पति कंठ लगावैं ॥ १३ ॥
Sahas badan tumharo yash gavain | as kahi shri pati kanth lagavain || 13 ||
16
सनकादिक ब्रह्मादि मुनीसा। नारद सारद सहित अहीसा ॥ १४ ॥
Sanakadik brahmadi munisa | narad sarad sahit ahisa || 14 ||
17
जम कुबेर दिगपाल जहाँ ते। कवि कोबिद कहि सके कहां ते ॥ १५ ॥
Jam kuber digapal jahan te | kavi kobid kahi sake kahan te || 15 ||
18
तुम उपकार सुग्रीवहिं कीन्हा। राम मिलाय राज पद दीन्हा ॥ १६ ॥
Tum upakar sugrivahin kinha | ram milai raj pad dinha || 16 ||
19
तुम्हरो मन्त्र विभीषन माना। लंकेश्वर भये सब जग जाना ॥ १७ ॥
Tumharo mantr vibhishan mana | lankeshvar bhaye sab jag jana || 17 ||
20
जुग सहस्र योजन पर भानु। लील्यो ताहि मधुर फ़ल जानू ॥ १८ ॥
Jug sahasr yojan par bhanu | lilyo tahi madhur phal janu || 18 ||
21
प्रभु मुद्रिका मेलि मुख माहीं। जलधि लांघि गए अचरज नाहीं ॥ १९ ॥
Prabhu mudrika meli mukh mahin | jaladhi langhi gae acharaj nahin || 19 ||
22
दुर्गम काज जगत के जेते। सुगम अनुग्रह तुम्हरे तेते ॥ २० ॥
Durgam kaj jagat ke jete | sugam anugrah tumhare tete || 20 ||
23
राम दुआरे तुम रखवारे। होत न आज्ञा बिनु पैसारे ॥ २१ ॥
Ram duare tum rakhavare | hot na agya binu paisare || 21 ||
24
सब सुख लहै तुम्हारी सरना। तुम रक्षक काहू को डरना ॥ २२ ॥
Sab sukh lahai tumhari sarana | tum rakshak kahu ko darana || 22 ||
25
आपन तेज सम्हारो आपै। तीनों लोक हांक तें कांपै ॥ २३ ॥
Apan tej samharo apai | tinon lok hank ten kampai || 23 ||
26
भूत पिशाच निकट नहिं आवै। महावीर जब नाम सुनावै ॥ २४ ॥
Bhut pishach nikat nahin avai | mahavir jab nam sunavai || 24 ||
27
नासै रोग हरै सब पीरा। जपत निरंतर हनुमत बीरा ॥ २५ ॥
Nasai rog harai sab pira | japat nirantar hanumat bira || 25 ||
28
संकट ते हनुमान छुड़ावै। मन क्रम वचन ध्यान जो लावै ॥ २६ ॥
Sankat te hanuman chhuravai | man kram vachan dhyan jo lavai || 26 ||
29
सब पर राम तपस्वी राजा। तिन के काज सकल तुम साजा ॥ २७ ॥
Sab par ram tapasvi raja | tin ke kaj sakal tum saja || 27 ||
30
और मनोरथ जो कोई लावै। सोइ अमित जीवन फ़ल पावै ॥ २८ ॥
Aur manorath jo koi lavai | soi amit jivan phal pavai || 28 ||
31
चारों जुग परताप तुम्हारा। है परसिद्ध जगत उजियारा ॥ २९ ॥
Charon jug paratap tumhara | hai parasiddh jagat ujiyara || 29 ||
32
साधु सन्त के तुम रखवारे। असुर निकन्दन राम दुलारे ॥ ३० ॥
Sadhu sant ke tum rakhavare | asur nikandan ram dulare || 30 ||
33
अष्ट सिद्धि नवनिधि के दाता। अस बर दीन जानकी माता ॥ ३१ ॥
Asht siddhi navanidhi ke data | as bar din janaki mata || 31 ||
34
राम रसायन तुम्हरे पासा। सदा रहो रघुपति के दासा ॥ ३२ ॥
Ram rasayan tumhare pasa | sada raho raghupati ke dasa || 32 ||
35
तुम्हरे भजन राम को पावै। जनम जनम के दुख बिसरावै ॥ ३३ ॥
Tumhare bhajan ram ko pavai | janam janam ke dukh bisaravai || 33 ||
36
अन्तकाल रघुबर पुर जाई। जहाँ जन्म हरिभक्त कहाई ॥ ३४ ॥
Antakal raghubar pur jai | jahan janm haribhakt kahai || 34 ||
37
और देवता चित्त न धरई। हनुमत सेई सर्व सुख करई ॥ ३५ ॥
Aur devata chitt na dharai | hanumat sei sarv sukh karai || 35 ||
38
संकट कटै मिटै सब पीरा। जो सुमिरै हनुमत बलबीरा ॥ ३६ ॥
Sankat katai mitai sab pira | jo sumirai hanumat balabira || 36 ||
39
जय जय जय हनुमान गोसाई। कृपा करहु गुरुदेव की नाई ॥ ३७ ॥
Jai jai jai hanuman gosai | kripa karahu gurudev ki nai || 37 ||
40
जो शत बार पाठ कर कोई। छूटहिं बंदि महा सुख होई ॥ ३८ ॥
Jo shat bar path kar koi | chhutahin bandi maha sukh hoi || 38 ||
41
जो यह पढ़ै हनुमान चालीसा। होय सिद्धि साखी गौरीसा ॥ ३९ ॥
Jo yah parhai hanuman chalisa | hoy siddhi sakhi gaurisa || 39 ||
42
तुलसीदास सदा हरि चेरा। कीजै नाथ हृदय महँ डेरा ॥ ४० ॥
Tulasidas sada hari chera | kijai nath hridai mahan dera || 40 ||
43
पवनतनय संकट हरन मंगल मूरति रूप। राम लखन सीता सहित हृदय बसहु सुर भूप॥
Pavanatanai sankat haran mangal murati rup | ram lakhan sita sahit hridai basahu sur bhup ||