Gopal Chalisaश्री गोपाल चालीसा

01

श्री राधापद कमल रज, सिर धरि यमुना कूल। वरणो चालीसा सरस, सकल सुमंगल मूल ॥

Shri radhapad kamal raja, sir dhari yamuna kul | varano chalisa sarasa, sakal sumangal mul ||

02

जय जय पूरण ब्रह्म बिहारी। दुष्ट दलन लीला अवतारी ॥ १ ॥

Jai jai puran brahm bihari | dusht dalan lila avatari || 1 ||

03

जो कोई तुम्हरी लीला गावै। बिन श्रम सकल पदारथ पावै ॥ २ ॥

Jo koi tumhari lila gavai | bin shram sakal padarath pavai || 2 ||

04

श्री वसुदेव देवकी माता। प्रकट भये संग हलधर भ्राता ॥ ३ ॥

Shri vasudev devaki mata | prakat bhaye sang haladhar bhrata || 3 ||

05

मथुरा सों प्रभु गोकुल आये। नन्द भवन में बजत बधाये ॥ ४ ॥

Mathura son prabhu gokul aye | nand bhavan men bajat badhaye || 4 ||

06

जो विष देन पूतना आई। सो मुक्ति दै धाम पठाई ॥ ५ ॥

Jo vish den putana ai | so mukti dai dham pathai || 5 ||

07

तृणावर्त राक्षस संहार्यौ। पग बढ़ाय सकटासुर मार्यौ ॥ ६ ॥

Trinavart rakshas sanharyau | pag barhai sakatasur maryau || 6 ||

08

खेल खेल में माटी खाई। मुख में सब जग दियो दिखाई ॥ ७ ॥

Khel khel men mati khai | mukh men sab jag diyo dikhai || 7 ||

09

गोपिन घर घर माखन खायो। जसुमति बाल केलि सुख पायो ॥ ८ ॥

Gopin ghar ghar makhan khayo | jasumati bal keli sukh payo || 8 ||

10

ऊखल सों निज अंग बँधाई। यमलार्जुन जड़ योनि छुड़ाई ॥ ९ ॥

Ukhal son nij ang bandhai | yamalarjun jar yoni chhurai || 9 ||

11

बका असुर की चोंच विदारी। विकट अघासुर दियो सँहारी ॥ १० ॥

Baka asur ki chonch vidari | vikat aghasur diyo sanhari || 10 ||

12

ब्रह्मा बालक वत्स चुराये। मोहन को मोहन हित आये ॥ ११ ॥

Brahma balak vats churaye | mohan ko mohan hit aye || 11 ||

13

बाल वत्स सब बने मुरारी। ब्रह्मा विनय करी तब भारी ॥ १२ ॥

Bal vats sab bane murari | brahma vinai kari tab bhari || 12 ||

14

काली नाग नाथि भगवाना। दावानल को कीन्हों पाना ॥ १३ ॥

Kali nag nathi bhagavana | davanal ko kinhon pana || 13 ||

15

सखन संग खेलत सुख पायो। श्रीदामा निज कन्ध चढ़ायो ॥ १४ ॥

Sakhan sang khelat sukh payo | shridama nij kandh charhayo || 14 ||

16

चीर हरन करि सीख सिखाई। नख पर गिरवर लियो उठाई ॥ १५ ॥

Chir haran kari sikh sikhai | nakh par giravar liyo uthai || 15 ||

17

दरश यज्ञ पत्निन को दीन्हों। राधा प्रेम सुधा सुख लीन्हों ॥ १६ ॥

Darash yagy patnin ko dinhon | radha prem sudha sukh linhon || 16 ||

18

नन्दहिं वरुण लोक सों लाये। ग्वालन को निज लोक दिखाये ॥ १७ ॥

Nandahin varun lok son laye | gvalan ko nij lok dikhaye || 17 ||

19

शरद चन्द्र लखि वेणु बजाई। अति सुख दीन्हों रास रचाई ॥ १८ ॥

Sharad chandr lakhi venu bajai | ati sukh dinhon ras rachai || 18 ||

20

अजगर सों पितु चरण छुड़ायो। शंखचूड़ को मूड़ गिरायो ॥ १९ ॥

Ajagar son pitu charan chhurayo | shankhachur ko mur girayo || 19 ||

21

हने अरिष्टा सुर अरु केशी। व्योमासुर मार्यो छल वेषी ॥ २० ॥

Hane arishta sur aru keshi | vyomasur maryo chhal veshi || 20 ||

22

व्याकुल ब्रज तजि मथुरा आये। मारि कंस यदुवंश बसाये ॥ २१ ॥

Vyakul braj taji mathura aye | mari kans yaduvansh basaye || 21 ||

23

मात पिता की बन्दि छुड़ाई। सान्दीपनि गृह विद्या पाई ॥ २२ ॥

Mat pita ki bandi chhurai | sandipani grih vidya pai || 22 ||

24

पुनि पठयौ ब्रज ऊधौ ज्ञानी। प्रेम देखि सुधि सकल भुलानी ॥ २३ ॥

Puni pathayau braj udhau gyani | prem dekhi sudhi sakal bhulani || 23 ||

25

कीन्हीं कुबरी सुन्दर नारी। हरि लाये रुक्मिणि सुकुमारी ॥ २४ ॥

Kinhin kubari sundar nari | hari laye rukmini sukumari || 24 ||

26

भौमासुर हनि भक्त छुड़ाये। सुरन जीति सुरतरु महि लाये ॥ २५ ॥

Bhaumasur hani bhakt chhuraye | suran jiti surataru mahi laye || 25 ||

27

दन्तवक्र शिशुपाल संहारे। खग मृग नृग अरु बधिक उधारे ॥ २६ ॥

Dantavakr shishupal sanhare | khag mrig nrig aru badhik udhare || 26 ||

28

दीन सुदामा धनपति कीन्हों। पारथ रथ सारथि यश लीन्हों ॥ २७ ॥

Din sudama dhanapati kinhon | parath rath sarathi yash linhon || 27 ||

29

गीता ज्ञान सिखावन हारे। अर्जुन मोह मिटावन हारे ॥ २८ ॥

Gita gyan sikhavan hare | arjun moh mitavan hare || 28 ||

30

केला भक्त बिदुर घर पायो। युद्ध महाभारत रचवायो ॥ २९ ॥

Kela bhakt bidur ghar payo | yuddh mahabharat rachavayo || 29 ||

31

द्रुपद सुता को चीर बढ़ायो। गर्भ परीक्षित जरत बचायो ॥ ३० ॥

Drupad suta ko chir barhayo | garbh parikshit jarat bachayo || 30 ||

32

कच्छ मच्छ वाराह अहीशा। बावन कल्की बुद्धि मुनीशा ॥ ३१ ॥

Kachchh machchh varah ahisha | bavan kalki buddhi munisha || 31 ||

33

ह्वै नृसिंह प्रह्लाद उबार्यो। राम रुप धरि रावण मार्यो ॥ ३२ ॥

Hvai nrisinh prahlad ubaryo | ram rup dhari ravan maryo || 32 ||

34

जय मधु कैटभ दैत्य हनैया। अम्बरीय प्रिय चक्र धरैया ॥ ३३ ॥

Jai madhu kaitabh daity hanaiya | ambariy priy chakr dharaiya || 33 ||

35

ब्याध अजामिल दीन्हें तारी। शबरी अरु गणिका सी नारी ॥ ३४ ॥

Byadh ajamil dinhen tari | shabari aru ganika si nari || 34 ||

36

गरुड़ासन गज फन्द निकन्दन। देहु दरश ध्रुव नयनानन्दन ॥ ३५ ॥

Garurasan gaj phand nikandan | dehu darash dhruv nayananandan || 35 ||

37

देहु शुद्ध सन्तन कर सङ्गा। बाढ़ै प्रेम भक्ति रस रङ्गा ॥ ३६ ॥

Dehu shuddh santan kar sanga | barhai prem bhakti ras ranga || 36 ||

38

देहु दिव्य वृन्दावन बासा। छूटै मृग तृष्णा जग आशा ॥ ३७ ॥

Dehu divy vrindavan basa | chhutai mrig trishna jag asha || 37 ||

39

तुम्हरो ध्यान धरत शिव नारद। शुक सनकादिक ब्रह्म विशारद ॥ ३८ ॥

Tumharo dhyan dharat shiv narad | shuk sanakadik brahm visharad || 38 ||

40

जय जय राधारमण कृपाला। हरण सकल संकट भ्रम जाला ॥ ३९ ॥

Jai jai radharaman kripala | haran sakal sankat bhram jala || 39 ||

41

बिनसैं बिघन रोग दुःख भारी। जो सुमरैं जगपति गिरधारी ॥ ४० ॥

Binasain bighan rog duhkh bhari | jo sumarain jagapati giradhari || 40 ||

42

जो सत बार पढ़ै चालीसा। देहि सकल बाँछित फल शीशा ॥ ४१ ॥

Jo sat bar parhai chalisa | dehi sakal banchhit phal shisha || 41 ||

43

गोपाल चालीसा पढ़ै नित, नेम सों चित्त लावई। सो दिव्य तन धरि अन्त महँ, गोलोक धाम सिधावई ॥

Gopal chalisa parhai nita, nem son chitt lavai | so divy tan dhari ant maham, golok dham sidhavai ||

44

संसार सुख सम्पत्ति सकल, जो भक्तजन सन महँ चहैं। जयरामदेव सदैव सो, गुरुदेव दाया सों लहैं ॥

Sansar sukh sampatti sakala, jo bhaktajan san mahan chahain | jayaramadev sadaiv so, gurudev daya son lahain ||

45

प्रणत पाल अशरण शरण, करुणा-सिन्धु ब्रजेश। चालीसा के संग मोहि, अपनावहु प्राणेश ॥

Pranat pal asharan sharana, karuna-sindhu brajesh | chalisa ke sang mohi, apanavahu pranesh ||