Parvati Chalisaश्री पार्वती चालीसा

01

जय गिरी तनये दक्षजे शम्भू प्रिये गुणखानि। गणपति जननी पार्वती अम्बे शक्ति भवानि ॥

Jai giri tanaye dakshaje shambhu priye gunakhani | ganapati janani parvati ambe shakti bhavani ||

02

ब्रह्मा भेद न तुम्हरो पावे। पंच बदन नित तुमको ध्यावे ॥ १ ॥

Brahma bhed na tumharo pave | panch badan nit tumako dhyave || 1 ||

03

षड्मुख कहि न सकत यश तेरो। सहसबदन श्रम करत घनेरो ॥ २ ॥

Shadmukh kahi na sakat yash tero | sahasabadan shram karat ghanero || 2 ||

04

तेऊ पार न पावत माता। स्थित रक्षा लय हिय सजाता ॥ ३ ॥

Teu par na pavat mata | sthit raksha lai hiy sajata || 3 ||

05

अधर प्रवाल सदृश अरुणारे। अति कमनीय नयन कजरारे ॥ ४ ॥

Adhar praval sadrish arunare | ati kamaniy nayan kajarare || 4 ||

06

ललित ललाट विलेपित केशर। कुंकुंम अक्षत शोभा मनहर ॥ ५ ॥

Lalit lalat vilepit keshar | kunkumm akshat shobha manahar || 5 ||

07

कनक बसन कंचुकि सजाए। कटी मेखला दिव्य लहराए ॥ ६ ॥

Kanak basan kanchuki sajae | kati mekhala divy laharae || 6 ||

08

कंठ मदार हार की शोभा। जाहि देखि सहजहि मन लोभा ॥ ७ ॥

Kanth madar har ki shobha | jahi dekhi sahajahi man lobha || 7 ||

09

बालारुण अनंत छबि धारी। आभूषण की शोभा प्यारी ॥ ८ ॥

Balarun anant chhabi dhari | abhushan ki shobha pyari || 8 ||

10

नाना रत्न जड़ित सिंहासन। तापर राजति हरि चतुरानन ॥ ९ ॥

Nana ratn jarit sinhasan | tapar rajati hari chaturanan || 9 ||

11

इन्द्रादिक परिवार पूजित। जग मृग नाग यक्ष रव कूजित ॥ १० ॥

Indradik parivar pujit | jag mrig nag yaksh rav kujit || 10 ||

12

गिर कैलास निवासिनी जय जय। कोटिक प्रभा विकासिनी जय जय ॥ ११ ॥

Gir kailas nivasini jai jai | kotik prabha vikasini jai jai || 11 ||

13

त्रिभुवन सकल कुटुंब तिहारी। अणु अणु महं तुम्हारी उजियारी ॥ १२ ॥

Tribhuvan sakal kutumb tihari | anu anu mahan tumhari ujiyari || 12 ||

14

हैं महेश प्राणेश तुम्हारे। त्रिभुवन के जो नित रखवारे ॥ १३ ॥

Hain mahesh pranesh tumhare | tribhuvan ke jo nit rakhavare || 13 ||

15

उनसो पति तुम प्राप्त कीन्ह जब। सुकृत पुरातन उदित भए तब ॥ १४ ॥

Unaso pati tum prapt kinh jab | sukrit puratan udit bhae tab || 14 ||

16

बूढ़ा बैल सवारी जिनकी। महिमा का गावे कोउ तिनकी ॥ १५ ॥

Burha bail savari jinaki | mahima ka gave kou tinaki || 15 ||

17

सदा श्मशान बिहारी शंकर। आभूषण हैं भुजंग भयंकर ॥ १६ ॥

Sada shmashan bihari shankar | abhushan hain bhujang bhayankar || 16 ||

18

कण्ठ हलाहल को छबि छायी। नीलकण्ठ की पदवी पायी ॥ १७ ॥

Kanth halahal ko chhabi chhayi | nilakanth ki padavi payi || 17 ||

19

देव मगन के हित अस किन्हो। विष लै आपु तिनहि अमि दिन्हो ॥ १८ ॥

Dev magan ke hit as kinho | vish lai apu tinahi ami dinho || 18 ||

20

ताकी तुम पत्नी छवि धारिणी। दुरित विदारिणी मंगल कारिणी ॥ १९ ॥

Taki tum patni chhavi dharini | durit vidarini mangal karini || 19 ||

21

देखि परम सौंदर्य तिहारो। त्रिभुवन चकित बनावन हारो ॥ २० ॥

Dekhi param saundary tiharo | tribhuvan chakit banavan haro || 20 ||

22

भय भीता सो माता गंगा। लज्जा मय है सलिल तरंगा ॥ २१ ॥

Bhai bhita so mata ganga | lajja mai hai salil taranga || 21 ||

23

सौत समान शम्भू पहआयी। विष्णु पदाब्ज छोड़ि सो धायी ॥ २२ ॥

Saut saman shambhu pahaayi | vishnu padabj chhori so dhayi || 22 ||

24

तेहि कों कमल बदन मुरझायो। लखी सत्वर शिव शीश चढ़ायो ॥ २३ ॥

Tehi kon kamal badan murajhayo | lakhi satvar shiv shish charhayo || 23 ||

25

नित्यानंद करी बरदायिनी। अभय भक्त कर नित अनपायिनी ॥ २४ ॥

Nityanand kari baradayini | abhai bhakt kar nit anapayini || 24 ||

26

अखिल पाप त्रयताप निकन्दिनी। माहेश्वरी हिमालय नन्दिनी ॥ २५ ॥

Akhil pap trayatap nikandini | maheshvari himalai nandini || 25 ||

27

काशी पुरी सदा मन भायी। सिद्ध पीठ तेहि आपु बनायी ॥ २६ ॥

Kashi puri sada man bhayi | siddh pith tehi apu banayi || 26 ||

28

भगवती प्रतिदिन भिक्षा दात्री। कृपा प्रमोद सनेह विधात्री ॥ २७ ॥

Bhagavati pratidin bhiksha datri | kripa pramod saneh vidhatri || 27 ||

29

रिपुक्षय कारिणी जय जय अम्बे। वाचा सिद्ध करि अवलम्बे ॥ २८ ॥

Ripukshai karini jai jai ambe | vacha siddh kari avalambe || 28 ||

30

गौरी उमा शंकरी काली। अन्नपूर्णा जग प्रतिपाली ॥ २९ ॥

Gauri uma shankari kali | annapurna jag pratipali || 29 ||

31

सब जन की ईश्वरी भगवती। पतिप्राणा परमेश्वरी सती ॥ ३० ॥

Sab jan ki ishvari bhagavati | patiprana parameshvari sati || 30 ||

32

तुमने कठिन तपस्या कीनी। नारद सों जब शिक्षा लीनी ॥ ३१ ॥

Tumane kathin tapasya kini | narad son jab shiksha lini || 31 ||

33

अन्न न नीर न वायु अहारा। अस्थि मात्रतन भयउ तुम्हारा ॥ ३२ ॥

Ann na nir na vayu ahara | asthi matratan bhayau tumhara || 32 ||

34

पत्र घास को खाद्य न भायउ। उमा नाम तब तुमने पायउ ॥ ३३ ॥

Patr ghas ko khady na bhayau | uma nam tab tumane payau || 33 ||

35

तप बिलोकी ऋषि सात पधारे। लगे डिगावन डिगी न हारे ॥ ३४ ॥

Tap biloki rishi sat padhare | lage digavan digi na hare || 34 ||

36

तब तब जय जय जय उच्चारेउ। सप्तऋषि निज गेह सिद्धारेउ ॥ ३५ ॥

Tab tab jai jai jai uchchareu | saptarishi nij geh siddhareu || 35 ||

37

सुर विधि विष्णु पास तब आए। वर देने के वचन सुनाए ॥ ३६ ॥

Sur vidhi vishnu pas tab ae | var dene ke vachan sunae || 36 ||

38

मांगे उमा वर पति तुम तिनसों। चाहत जग त्रिभुवन निधि जिनसों ॥ ३७ ॥

Mange uma var pati tum tinason | chahat jag tribhuvan nidhi jinason || 37 ||

39

एवमस्तु कही ते दोऊ गए। सुफल मनोरथ तुमने लए ॥ ३८ ॥

Evamastu kahi te dou gae | suphal manorath tumane lae || 38 ||

40

करि विवाह शिव सों भामा। पुनः कहाई हर की बामा ॥ ३९ ॥

Kari vivah shiv son bhama | punah kahai har ki bama || 39 ||

41

जो पढ़िहै जन यह चालीसा। धन जन सुख देइहै तेहि ईसा ॥ ४० ॥

Jo parhihai jan yah chalisa | dhan jan sukh deihai tehi isa || 40 ||

42

कूटि चंद्रिका सुभग शिर, जयति जयति सुख खानि पार्वती निज भक्त हित, रहहु सदा वरदानि ॥

Kuti chandrika subhag shira, jayati jayati sukh khani parvati nij bhakt hita, rahahu sada varadani ||